Hvað er Nike+?
Nike+ er afurð samstarfs Nike og Apple.
Flestir hlauparar hlaupa með tónlist í eyrunum og nota hana til að gera hlaupin skemmtilegri og hvetja sig áfram. Nike og Apple tóku því höndum saman og fundu lausn sem er sérsniðin fyrir hlaupara og býður upp á nýja og skemmtilegri leið til að upplifa hlaupin.
Búnaðurinn virkar þannig að í flestum Nike hlaupaskóm er sérbyggt hólf fyrir lítinn sendi. Sendinn setur þú í hólfið og nemur hann hvert skref sem þú tekur og sendir til iPodsins ítarlegar upplýsingar um það hvernig þú hleypur. iPodinn skilar upplýsingunum svo til þín og getur bókstaflega sagt þér hvernig þú hleypur, á meðan þú hleypur.
Þú getur einnig fengið sérstakt armband til að nota með Nike+ búnaðinum. Það kemur þá í stað iPodsins og safnar upplýsingum um hlaupin þín. Eftir hvert hlaup getur þú svo hlaðið upplýsingunum inn á tölvu og séð hlaupin þín lifna við.
Haltu utan um hlaupin þín
Neminn safnar upplýsingum um hraða, tíma, vegalengd og kaloríur sem þú hefur brennt á meðan þú hleypur. Með Nike+ getur þú fengið allar þessar upplýsingar um leið og þú hlustar á uppáhalds tónlistina þína.
En þú getur líka notað upplýsingarnar enn frekar að hlaupi loknu með því að tengja iPodinn við tölvuna þína og hlaða inn upplýsingunum. Þú tengist svo nikeplus.com og getur séð hlaupin þín lifna við. Þar sérðu ítarlegar upplýsingar um hlaupin þín settar fram á auðskiljanlegan hátt. Upplýsingarnar geturðu svo notað til að hvetja þig áfram, setja þér markmið, bera árangur þinn saman við árangur vina þinna eða einfaldlega sjá hlaupin þín sett upp á skemmtilegan máta.